Oarsoaldeko Hitza

Joakin Etxeberria Oroitaldia finalerdietara iritsi da

Pilota Pala txapelketako ligaxkaren azken partidak aste honetan jokatu dira; finalerdiak eta finala besterik ez dira falta

j. gonzalo

Joakin Etxeberria Pala Oroitaldiaren XV. aldia azkeneko txanpan sartu da. Aste honetan jokatu dira ligaxkako azken partidak, eta txapelketa bukatzeko finalerdiak eta finala besterik ez dira falta. Aste honetako partiden emaitzak honako hauek izan dira: larruzko pilotarekin jokaturiko partidan, Eskisabel-Moreno 35, Garikano-Etxeberria 27.

Pala motzean, berriz, Altuna-Andonegi 40, Aierbe-Mena 35; Arrieta-Navarro 31, Antxin-Oiartzabal 40; Astigarraga-Otero 30, Aierbe-Mena 40.

Antolatzaileek jakinarazi dutenez, finalerdietarako partiden ordutegia zehaztu gabe dago oraindik. Hori bai, txapelketa guztian bezala Fanderiako pilotalekuan jokaturiko dira partidak. Sarrera doan izango da.