Oarsoaldeko Hitza

Emakumeen garapena bultzatzeko programa sarituko du Udalak

Gizartea Gizarte Zerbitzuek sorturiko Emakumea: topaketak eta parte-hartze soziala ekimenak 25 urte bete ditu

j. gonzalo

Errenteriako Udaleko GizarteZerbitzuetarako Sailak Emakumea: topaketak eta parte-hartze soziala ekimena sortu zuen orain dela 25 urte.

Urte hauetan guztietan lan handia egin dute, eta lan horregatik omenaldi bat egitea erabaki du Errenteriako Udalak. Hilaren 21ean, Madalen Egunaren bezperan, izango da omenaldia Reina aretoan. 12:00etan hasiko da ekitaldia, eta bertan Errenteriako Udalbatza osatzen duten alderdi politikoetako kideek programaren sortzaileak eta bultzatzaileak omenduko dituzte.

1.040 emakume

Emakumea: topaketak eta parte-hartze soziala programaren barruan hamaika talde parte hartzen ari dira uneotan, guztira, 1.040 emakume. Ekimenaren 25. urteurrena ospatzeko urtean zehar ekitaldi gehiago egingo dituztela iragarri dute.