Oarsoaldeko Hitza

Ignazio Harrieta | 2008-07-24

Langabezia (beno, lan betea baino zertxobait gutxiago esan behar nuke, zuzen ibiltzeko) Pasaia inguruan, joan den astean hasi gara ikusten. Alegia, duela aste/hilabete gutxi batzuk hasi dira inguruko enpresak duela urte mordo bat ez bezalako espedienteak aurkezten. Esan bezala, orain hogeita hamabi bat urte, ordubeteko 185 pta. (1,12 €) kobratzen nuen nik, \'adestajoko\' lanagatik, ez baitzegoen besterik aukeran; eta ordutegirik gabe (gaueko hamabiak aldera, goizeko hirurak eta laurdenetan edo arratsaldeko bostetan telefonoz deitzen ziguten eta lanera... bi ordu egiteko edo jarraian hamabost orduz jarduteko; sekula ez genekien irteera-ordua noiz izango zen); Gizarte Segurantzarik gabe (hogeita hamazazpi duro horien barruan zegoen gure erretiroa, medikuaren honorarioa, langabezia-prestaziorik ezaren ordaina eta sasi guztien gaineko eta hodei guztien azpiko kalamidadea). Gaur egungo soldaten edo bizi-mailaren egoerarekin alderatzea nahi baduzue, egingo ditut numeroak eta ekarriko dizkizuet hona. Oraindik oso atzera egin beharko dugu sasoi hartako txirotasunera heltzeko. Langabezia ehuneko 20tik gorakoa omen zen. Azken urteotan, aldiz, egon al da Pasaian inor lanik (lan-aukerarik) gabe? Esandakoa: asko dugu atzera egiteko hartara iritsi baino lehen. Kontua hauxe da... zer egin dugu bizpahiru hamarkadotan atzerabide hori ez hartzeko? Ezer ez; oso ondo bizi baikinen. Eta... zer egiteko prest gaude hemendik gutxira mamu horrek lepaondotik harrapa ez gaitzan? Ikusteko dago. Apustu egingo dizuet ezer ezaren hurrengoa izango dela. Oker baldin banago, jendaurrean aitortuko dut eta astebeteko gizarte-lana egingo dut, kobratu gabe (noski). Zuzen baldin banago, Hitzazaleok egoerari aurre egiteko proposamena landu eta Oarsoaldeko plaza honetan hartuko duzue aurrera eramateko konpromisoa. Hogei a veinte ezetz!

mikel | 2008-06-25

Inkesta horrek ez ninduen batere harritu. Ingururua begiratdea besterik ez dago, alboan zer dugun konturatzeko. Gauza bat errenta behartsuenetako hemen izatea da, eta bestea, gainera, superportua, abiadura handiko trena, intermodala... horiek guztiak ere gure eskualdean izatea! Behartsuak eta gainera, gainetik pasa nahi dute!

Molinao | 2008-06-25

Txiroenak izango gara, baina behintzat pertsona duinak gara. Ziur errenta per kapita gehien duten herrietakoak ere pertsona duinak direla, baina zorroa ondo betearekin