Oarsoaldeko Hitza

2008-07-02 | 13:13:38

Auto "susmagarri" bat ikuskatu du Ertzaintzak Galtzaraborda etorbidean

Galtzaraborda Etorbidea itxi egin du Ertzaintzak gaur goizean, bizpahiru orduz. Beraungo anbulategiaren ondoan auto «susmagarri» bat aurkitu, eta badaezpada inguruko kaleak ixtea erabaki dute. Autoaren ikusketa egin ondoren, ordea, bertan «ezer arriskutusirik» ez dagoela ondorioztatu dute.

Ez du erantzunik

2008-06-30 | 14:17:00

Txintxarriko arduradunek madalenak prestatzeko bilera deitu dute biharko

Txintxarri Elkarteko arduradunek Madalenak prestatzeko bilera deitu dute bihar arratsalderako. Antolakuntzatik azaldu dutenez, 19:30ean hasiko da bilera. Madalenekin lotutako hainbat gai jorratuko dituzte bileran, besteak beste, afariak emateko edo barran egoteko prest dauden bazkideen zerrendak osatzen ahaleginduko dira. Biharko bileran xehetasunak lotu ondoren, Txintxarriko afarietan izena eman nahi duten herritarrentzako zerrendak zabaldu ahal izango dira datozen egunetan. Bazkide guztiei joateko deia egin diete antolatzaileek.

Ez du erantzunik

2008-06-27 | 18:11:20

'Handitan' antzezlana ikustera dozenaka haur joan dira kulturgunera

Aizpea Goneagak zuzendutako antzezlanak harrera ona izan du ikusleen artean. Eskolatik Kalera ekimeneko ikasturteko azken emanaldia izan da.

Ez du erantzunik

2008-06-27 | 13:14:22

Hurrengo zortzi hilabeteetan ez dute herrian telefonia mugikorreko antenarik jarriko

Telefonia mugikorreko antenen auzia konpontzeko lehen urratsa eman dute Errenteriako Udalbatza osatzen duten alderdiek. Hain zuzen ere, hurrengo zortzi hilabeteetan herrian telefonia mugikorreko antenarik ez jartzeko proposatzen duen mozioa onartu dute. Koldo Mitxelena Ikastetxeko Gurasoen Elkarteak (AMPA) aurkeztu du mozioa Udalean, eta EAE-ANV eta Ezker Batua-Berdeak alderdien babesa izan du. Gainontzeko alderdiak, berriz, (PSE-EE, EAJ, EA eta PP) abstenitu egin dira. AMPAk aurkeztutako mozioak bi puntu ditu. Lehenengoan, «telefonia mugikorreko antenen instalakuntza zortzi hilabetez atzeratzeko» eskatu dute. Bigarrenean, berriz, «telefonia mugikorreko antenei buruzko ordenantza bat egiteko» proposatu diote Errenteriako Udalari. Bigarren puntuari dagokionez, telefonia mugikorreko ordenantza bidean dela azpimarratu du Juan Carlos Merino alkateak. «Telefonia mugikorreko ordenantza berria oso aurreratua dago, eta Hirigintza Batzordean eztabaidatu ondoren, aurki aurkeztu ahal izango dugula uste du», azaldu du Merinok.

Ez du erantzunik

2008-06-25 | 13:35:48

Etzi Udalbatzaren Ohiko Osoko Bilkura izango da, ikasturteko azkena

Niessengo antenaren inguruan EB-Berdeek eta ezker abertzaleak aurkeztutako mozioa jorratuko da, besteak beste

Udalbatzareko Ohiko Oso Bilkura izango da etzi, 08:30ean. Honako hau da gai zerrenda: 2007ko aurrekontuaren kontu orokorra onartzea; alkatetzak Eusko Jaurlaritzaren Etxebizitza eta Gizarte Gaietarako Sailari emaniko dekretuaren berri ematea; eta mozioa EB-Berdeek eta ezker abertzaleak izenpetutako mozioa Niessengo antenaren inguruan.

Ez du erantzunik

2008-06-25 | 11:38:00

Rober Benito eta Pablo Carral Gaztañoko gazteak errugabetu ditu Espainiako Auzitegi Nazionalak

Joan den ostegunean epaitu zituzten Madrilen, 2006ko irailean Gaztañoko EuskoTreneko geltokiari su ematea leporatuta

Gaztañoko topo geltokian 2006ko irailaren 19an sutea eragitea egotzi zieten Rober Benito eta Pablo Carral errugabetu egin ditu Espainiako Auzitegi Nazionalak, haien aurka nahikoa froga ez dagoelako. Joan den ostegunean epaitu zituzten bi gazteak Madrilen, eta fiskalak hiru urteko kartzela zigorra eskatu zuen bientzat.

Ez du erantzunik

2008-06-24 | 13:58:42

Animaliak ez abandonatzeko kanpainak arrakasta handia izan du

Errenteria-Oreretako kaleetan abandonatuta bizi ziren 30 katurentzako etxea aurkitu du Bubastis Elkarteak. Halaber, katuak aldi baterako uzteko hiru etxe egokitu dituzte. Uztailetik aurrera, gaiarekin sentsibilizatzeko hainbat hitzaldi emango dituzte.

Ez du erantzunik

2008-06-24 | 13:31:53

Gizonezko bat atxilotu dute Errenterian, adingabeko bi neskei sexu abusuak eragitea leporatuta

Atzo 19:00ak aldera izan ziren ustezko gertaerak

Ertzaintzak 43 urteko gizonezko bat -P.R.C.- atzeman zuen atzo Errenteria-Oreretako (Gipuzkoa) tren geltokian, Pasaiatik harako bidean trenean zihoala adingabeko bi neskei sexu abusuak eragin zizkielakoan. Atzo 19:00ak aldera izan ziren ustezko gertaerak. Treneko segurtasun zerbitzuko kideek gizonezko hura atxiki egin zuten, aipatutako arrazoiengatik, eta ertzainei deitu zieten. Ustezko erasotzaileak polizia aurrekari ugari du.

Erantzun 1