Oarsoaldeko Hitza

Oarsoaldeko Ikasle Egun txikia

ERRENTERIA-ORERETA, Orereta herrian - 2008-10-11tik 2008-10-11era, Goizeko 11:00

Ikasle Abertzaleak antolakundeak 20 urte betetzen ditu aurten euskal ikasleon eskubideen aldeko borrokan lanean hasi zenetik.
Honen harira, eta azken urteotan ospatzen den Ikasle Egunaren inguruan, 20 urteak modu berezi batean ospatzeko, herriz herriko dinamika bat jarriko du martxan Azaroaren 22an Erandion ospatuko den Ikasle Egunera bitarte. Datorren Larunbatean Oreretan hasi eta astez aste Ikasle Egun txikiak burutuko dira Euskal Herriko hainbat herri eta eskualdetan.
Oreretan emango zaio hasiera dinamika honi, goizean goizetik, 11:00ak aldera trikitiaz eta panderoz girotutako kalejira errebindikatibo batekin. 12:00etan Bertso saioa izango da Beñat Gaztelumendi, Unai Gaztelumendi, Alaia Martin eta Arkaitz Oiartzabal bertsolarien eskutik.
13:00etan Ekitaldia egingo da Oreretako Foruen Plazan eta 14:00etan hasiko den bazkariak jarraituko dio honi. Bazkariaren ostean kantaldia izango da.
17:00etan jolasak egingo dira Foruen Plazan.
19:30etan Kontzertuak hasiko dira Gaztetxean (Xau, Ekintza Zuzena, Luz de Putas eta gehiago...) eta honi 01:30etan hasiko den Karaokeak jarraituko dio. Gau osoan zehar luzatuko den festarekin amaitzeko. Antolatzailea: Ikasle Abertzaleak